Шӯъбаи робитаҳои байналмилалӣ бо масъалаҳои ба роҳ мондан ва густариш додани шаклҳои гуногуни ҳамкории Донишгоҳ бо марказҳои илмӣ-таҳқиқотӣ ва мактабҳои олии кишварҳои мухталифи ҷаҳон, сафоратхонаҳо ва муассисаҳои байналмилалӣ, ҳамчунин мусоидат намудан барои таҳсил ва бақайдгирии донишҷӯёне, ки аз хориҷаи дуру наздик дар Донишгоҳ таҳсил менамоянд, машғул аст. Дар Донишгоҳ аз ҷумҳуриҳои ӯзбекистон, Туркманистон, Қирғизистон, Қазоқистон, ҷумҳурии Исломии Эрон, ҷумҳурии Кореяи ҷанубӣ, Афғонистон, Туркия донишҷӯёну магистрон ва унвонҷӯён таҳсил менамоянд.
Донишгоҳи давлатии Хуҷанд ба номи академик Б.Fафуров бо донишгоҳҳои хориҷи дуру наздик шартнома бастааст, аз ҷумла бо Донишгоҳи аграрии Пекин (Хитой), Донишгоҳи педагогии Синтзян (Хитой), Донишгоҳи давлатии иқтисодиёт, омор ва информатикаи Москва (Русия), Донишгоҳи давлатии миллии радиоэлектронии Харков (Украина), Донишгоҳи давлатии Ош (ҷумҳурии Қирғизистон), Донишгоҳи давлатии Боткент (ҷумҳурии Қирғизистон), Донишгоҳи ба номи Неру (Ҳиндустон), Донишгоҳи миллии Қазоқистон ба номи ал-Форобӣ, Донишгоҳи Гумболд (Олмон), Донишгоҳи Салоников (Юнон), Маркази илмӣ-таҳқиқотии Юлих (Олмон), Донишгоҳи давлатии Қазон (Русия), Донишгоҳи давлатии техникии Қирғизистон ба номи Исоқ Раззоқов (Қирғизистон), Донишгоҳи Даугавпилси Латвия (Латвия), Донишгоҳи Русӣ-Тоҷикӣ (Славиянӣ) (Тоҷикистон), Донишкадаи иқтисод ва савдои Донишгоҳи давлатии тиҷоратии Тоҷикистон (Тоҷикистон).
Ҳамчунин Донишгоҳ бо Шӯъбаи робитаҳои ҷамъиятии Сафоратхонаи ИМА дар Тоҷикистон, фонди Оғохон, Сафоратхона ва ройзании фарҳангии ҷумҳурии Исломии Эрон, Сафорати ҷумҳурии Федеративии Олмон, Сафорати Федератсияи Русия, Институти адабиёти ҷаҳонии ба номи М.Горкий ва Институти шарқшиносии АИ Федератсияи Русия, ташкилотҳои байналхалқии сершумор, аз ҷумла хазинаҳои «Оғохон», ташкилотҳои байналхалқии ACCELS, IREX, DAAD, GIZ, ACTED, UNESCO, EUROASIA ва ғайраҳо робитаҳо барқарор намудааст.
Дар солҳои охир (2008-2015) Донишгоҳ зимни иштирок ва татбиқи 15 лоиҳа аз рӯи барномаи байналхалмилалӣ TEMPUS, зери унвонҳои «CANQA «Шабакаи осиёимиёнагии таъминоти сифат», «PROTRAINING-Такмили ихтисоси омӯзгорони низоми кредитӣ», «EPASAT – Ҳифзи муҳити зист ба воситаи тараққиёт ва истифодабарии агротехнология дар он», «EDUCA – Таҷаддуд ва инкишофи барномаҳои таълимӣ аз фанни педагогика ва менеҷмент дар низоми таҳсилоти Осиёи Марказӣ», «MEDIATE - Магистратура аз информатика ва телекоммуникатсия», «TEMPUS-QUADRIGA-Чаҳорчӯбаи тахасусмандӣ дар Осиёи Марказӣ дар асоси принсипҳои Болониявии ҳамоҳангсозии минтақавӣ», ҳамчунин аз рӯи чанд лоиҳаи барномаи байналмилалии ERASMUS MUNDUS зери унвонҳои «MANECA» ва «TOSCA 1-2», Erasmus Mundus Silkroute ва Erasmus Mundus Canem гузашта аз ин, дар давраи нави озмун бо се лоиҳои TEMPUS, TEMPUS –FLEPP, TEMPUS – UNIVIA ва TEMPUS – PROMIS ва дар доираи ин барномаҳо бо як қатор донишгоҳҳои Осиёи Марказӣ ва Қазоқистон, аз ҷумла бо 60 мактабҳои олӣ ва ташкилотҳои кишварҳои хориҷии Аврупо ҳамкорӣ менамояд. Дар чаҳорчӯбаи шартномаҳои ҳайъати консортсиумҳо Донишгоҳ бо мактабҳои олии Аврупо, аз қабили Донишгоҳи техникии Берлин, Донишкадаи олии педагогии Людвисбург ва Донишгоҳи техникии Дрездени Ҷумҳурии Федеративии Олмон, Донишгоҳи педагогии Вилнюси Литва, Донишгоҳи фалсафа ва педагогикаи Нитраи Словакия, Донишкадаи техникии олии ДеНайер-Мехелен ва Донишгоҳи Брюссели Белгия, Донишгоҳи Сантяго де Кампастелаи Испания, Донишгоҳи фанҳои табиии Варшава ва Донишгоҳи Адам Митскевич Полша, Донишгоҳи Пйер Мендеси Фаронса, Донишгоҳи технологии Салоникови Юнон, Донишгоҳи Л.Акюлаи Италия, Донишгоҳи фанҳо ва захираҳои табиии Австрия, Донишгоҳи Бораси Сербия, Донишгоҳи Фарои Португалия ва ғ. ҳамкорӣ намуда, ҷиҳати татбиқи раванди Болония, ислоҳоти маориф ва ворид шудан ба фазои ҷаҳонии таҳсилот кӯшиш менамояд. Тибқи ин барномаҳо беш аз 200 нафар омӯзгорон, аспирантону унвонҷӯён, магистрантон ва донишҷӯёни Донишгоҳ аз рӯи натиҷаҳои озмун ҷиҳати такмили ихтисос, таҳқиқоти илмӣ ва ё таҳсил дар давоми 1-3 ё 10 моҳ ба бархе аз донишгоҳҳои мазкури Аврупо сафар намуданд.
Шӯъбаи робитаҳои байналмилалӣ ба воситаи ҳамкорӣ бо сафоратҳову ташкилотҳои байналмилалӣ ҷиҳати дастрас намудани иттилооти зарурӣ оид ба барномаҳову озмунҳо ба устодону донишҷӯён ёрии амалии худро мерасонад. Дар солҳои охир сафи профессорону омӯзгорон, аспирантон, коромӯз-муҳаққиқони ҷавон, донишҷӯёни факултаҳое, ки аз рӯи озмунҳои мухталиф барои таҷрибаомӯзӣ, идомаи таҳсил, корҳои илмӣ-таҳқиқотӣ ё иштирок дар ягон чорабинии байналхалқӣ, аз ҷумла конфронсу симпозиум ва фестивалҳо ба кишварҳои хориҷии дуру наздик сафар менамоянд, торафт меафзояд ва фаъолиятнокии академӣ ривоӣ меёбад.
ЛОИҲАҲО ва БАРНОМАҲО
№
Номи лоиҳа
Мӯлати иҷроиш
Унвони лоиҳа
Ҳамоҳангсоз
1. TEMPUS-QANQA 2009-2012 Шабакаи осиёи миёнагии кафолати сифат Ғаффорова У.
2. ERASMUS MUNDUS-MANECA 2010-2012 Оид ба зудҳаракатии омӯзгорон ва донишҷӯён Ғаффорова У.
3. ERASMUS MUNDUS-TOSCA-1 2010-2012 Барномаи ивази донишҷӯён барои идомаи таҳсил Муртазоев Ҳ.
4, TEMPUS-PROTRENING 2010-2013 Такмили ихтисоси омӯзгорони низоми кредитӣ Ғаффорова У.
5. TEMPUS-MEDIATE 2011-2013 Магистратура ва информатика Ғаффорова У.
6. TEMPUS-EPASAT 2011-2013 Ҳифзи муҳити атроф бо роҳи инкишоф ва технологияи устуворӣ Қодиров А.
7. TEMPUS-EDUCA 2011-2013 Таҷаддуд ва инкишофи барномаҳои таълимӣ аз фанни педагогика ва менаҷмент дар низоми таҳсилоти Осиёи Марказӣ Азизов А.А. Ғаффорова У.
8. TEMPUS -ЕВРОПЕЙСКАЯ КОМИССИЯ
2012-2014 Шабакаи Осиёи Марказии оид ба таҳсилот,тадқиқот ва иноватсия дар соҳаи тозагии (гигиена) муҳити атроф Щаффорова У.
9. TEMPUS –QUADRIGA 2012-2014 Сохтори квалификатсионии Осиёи Марказӣ дар асоси присипҳои Болония Ғаффорова У.
10. ERASMUS MUNDUS САNEM 2012-2015 Шабакаи осиёи марказии иктисодиёт ва менеҷмент Ғаффорова У
11. ERASMUS MUNDUS-TOSCA-2 2013-2014 Барномаи ивази донишҷӯён барои идомаи таҳсил Муртазоев Ҳ.
12. ERASMUS MUNDUS SILKROUT 2013-2015
Эрасмус Мундус Роҳи абрешим Ғаффорова У.
13. TEMPUS-PROMIS 2013-2016 Магистратура аз рӯи ихтисоси информатика Ғаффоров У.
14. TEMPUS-FLEPP 2013-2016 Такмили забонҳои хориҷӣ Азизов А.А.
15. TEMPUS-UNIVIA 2013-2016 Инкишоф ва ташаккули маъмурияти донишгоҳ дар миқёси байналмилалӣ Каримов Т.Д.
