ТЕЛЕФОН:+992 342265273
EMAIL:ittiloothgu@mail.ru
ИМРӮЗ
СОАТ

ЭЪЛОН
Раёсати илм ва инноватсияи донишгоҳ ба таваҷҷўҳи Шумо мерасонад, ки санаҳои 5-6-уми октябри соли 2018 дар Донишгоҳи давлатии Хуҷанд ба номи академик Бобоҷон Ғафуров конференсияи таълимӣ-методии ҷумҳуриявӣ таҳти унвони «Масъалаҳои мубрами таълим дар замони муосир» бо иштироки олимон ва мутахассисони соҳавӣ гузаронида мешавад. Аз ин ҷиҳат, хоҳишмандон метавонанд, мақолаҳои худро ба суроғаи электронии talim.hgu@mail.ru; bohir-1988@mail.ru ирсол намоянд.



ТЕЛЕВИЗИОНИ ТАЪЛИМИИ “Фурӯғ”

 Студияи таълимии телевизионии “Фурӯғ”-и назди кафедраи журналистика ва назарияи тарҷума дар асоси Қарори Шӯрои олимони Донишгоҳ санаи 1-уми сентябри соли  2014  бо мақсади баланд бардоштани фаъолияти амалии донишҷӯёни ихтисоси “рӯзноманигорӣ” ва омода намудани рӯзноманигорон дар соҳаи телевизион чун базаи муҳими таълимӣ ташкил шудааст. Дар студияи мазкур дарсҳои амалии кафедраи журналистика ва назарияи тарҷума доир мешавад, ки барои малакаи корӣ пайдо намудани донишҷӯён заминаи мусоид фароҳам меорад. Студия бо дастгирии бевоситаи собиқ Раиси вилояти Суғд  Абдураҳмон Қодирӣ ва собиқ ректори Донишгоҳ  Усмонов Ғафурҷон Ҳасанович таъсис ёфтааст.

Дар студия баробари гузаштани дарсҳои амалии  марбут ба телевизион ва ихтисосҳои вобаста ба он донишҷӯён низ аз самти фаъолияти телевизион пурра огоҳ гашта, ҳамчун базаи муҳими техникӣ ва амалӣ-таҷрибавӣ аз он пурра истифода мебаранд. Дар студия (СТТ “Фурӯғ”) маҳфилҳои пайвастаи телевизионӣ амал мекунад, ки дар он устодони соҳаи журналистика бо донишҷӯён  оид ба фаъолият ва самтҳои гуногуни телевизион сӯҳбат ва мубоҳиса менамоянд. Ҳамчунин дар студия барои омӯхтани нозукиҳои кори наворбардорӣ, сабт ва танзими садо, танзими видео, кор бо камера, омода намудани сенарияи барномаҳои телевизионӣ, ташкили кори шӯъбаи ахбор, қоидаҳои хондани матни журналистӣ ва дигар самтҳои кор дар студияи телевизион омӯхта мешавад.

Бо вуҷуди ин, фаъолияти дигари студия кор бо донишҷӯён барои амалӣ намудани супориш ва вазифаҳои устодон оид ба омода намудани барномаҳои фарҳангиву фароғатӣ, сохтани барномаҳои ток-шоу, очерки телевизионӣ, тахияи гузоришҳои гуногуни иттилоотиву таҳлилӣ ва монанди инҳо фаъолият мебарад.  Маводи омоданамудаи студияи таълимї ба воситаи телевизионҳои  “СТВ”, “Танин”, “СМ-1”, “Азия”, “Ҷаҳоноро”, “7-ситора” пахш гардида, њамчунин бо дигар телевизионҳои ҷумҳуриявӣ ҳамкории зич ба роњ мондааст. Студияи таълимии  телевизионии “Фурӯғ”  дар соли сипаришуда ба дастовардҳои назаррас ноил гашта,  барои инъикоси ҳамаҷонибаи ҳаёти  донишгоҳ ва тарғиби ҳунарҳои миллӣ, дастовардҳои муҳими устодону доншҷӯён, ҳаёти донишҷӯёни ихтироъкор,  инъикоси чорабиниҳои муҳими фарҳангиву сиёсӣ ва илмии ин муассиса нақши назаррас гузошт. Бояд ёдовар шуд, ки роҳбари  студия  мудир Исфандиёр Ҳаитов  дар озмуни вилоятии “Хомаи созанда-2015” иштирок намуд, ки бо мукофотпулӣ ва дипломи МИҲД вилояти Суғд қадрдонӣ карда шуд.

Студияи мазкур барномаҳои гуногуни илмиву фарҳангӣ, мусоҳибаҳо бо устодони шинохтаи Донишгоҳ бо унвони “Файзи истиқлол” омода намуда тариқи телевизиони вилоят манзури тамошобинон сохтааст, ки мӯҳтавои ин барнома бардошт ва муҳокимаронии дастовардҳои даврони Истиқлолият ба шумор мерафт.

 Телевизиони таълимии “Фурӯғ” ҳоло барномаи иттилоотии худро ба роҳ монда,  дар ду ҳафта як маротиба аз телевизиони вилояти Суғд бо номи “Пайки маърифат” пахш мегардад. Дар барномаи мазкур самтҳои ҳамаҷонибаи фаъолияти донишгоҳ инъикос ёфта,  дастовардҳои илмиву фарҳангии устодону донишҷӯён ва комёбиҳои шогирдони ин боргоҳи таълимӣ  ба тамошобинон расонида мешавад. Дар давоми фаъолият студия даҳҳо гузориш аз ҷараёни чорабиниҳои донишгоҳ ва аз дастовардҳои илмиву иноватсионии устодону донишҷӯён омода намуда, манзури тамошобинон сохтааст.

Ҳамзамон,  донишҷӯён барои  омода сохтани роликҳои рекламавӣ, гузоришҳои иттилоотӣ, мусоҳибаҳо, омода сохтани пурсиши телевизионӣ ва ғайра ҷалб мегарданд.

Студияи дар асосӣ Низомномаи тасдиқнамудаи Шӯрои олимони Донишгоҳ  амал намуда (05.11.2014)  тибқи нақшаи тасдиқнамудаи кафедраи журналистика ва назарияи тарҷума фаъолияташро ба роҳ монда,  барои гузаронидани дарсҳои амалии марбут  ба телевизион шароити  мусоид фароҳам овардааст,  то донишҷӯён аз базаи техникии студия пурра баҳраманд гарданд.

Метавон зикр дошт, ки дар назди студияи мазкур  маҳфили телевизион фаъолият  мебарад, ки моҳе ду маротиба гузаронида шуда, дар он кормандони собиқадори телевизионҳои маҳалливу вилоятӣ даъват мешаванд. Иштирокчиёни маҳфили номбурда аз донишҷӯёни курси аввал то курси чорум ба ҳисоб рафта, нозукиҳои корӣ телевизионро аз собиқадорони соҳаи телевизион меомӯзанд, ки ин ба манфиати кор хоҳад буд.  

Ҳоло баробари анҷом додани самти таълим кормандони студия моҳе ду маротиба барномаи иттилоотӣ-таҳлилӣ бо номи “Пайки маърифат” омода намуда,  аз ҳаёти фарҳангиву адабӣ, илмиву таълимии Донишгоҳ омода мекунанд, ки  дар он дастовардҳои устодони собиқадор, донишҷӯёни фаъолу ихтироъкор, ҳаёти маҳфилҳои гуногуни илмиву таълимӣ, дарсҳои намунавӣ ва ғайра тариқи телевизиони вилояти Суғд (СТВ) манзури тамошобинон мегардад, ки барои муаррифии дастовардҳои Донишгоҳ дар сатҳи вилоят дар байни муассисаҳои  олӣ падидаи нодир ва назаррас ба шумор меравад.

Мо умед дорем, ки  студияи номбурда дар баланд бардоштани сатҳу сифати малакаи касбии рӯзноманигорони ҷавон, донишҷӯёни  шӯъбаи журналистика ҳамчун заминаи  хуби амалӣ ва таҷрибавӣ нақши муассир хоҳад гузошт.


Electronic
ДОНИШГОҲ ДАР РАҚАМҲО
муфассалтар

ДДХ
ТЕЛЕВИЗИОНИ ДОНИШГОҲ
муфассалтар

ДДХ
РАДИОИ ДОНИШГОҲ
муфассалтар

Electronic
ҚАБУЛГОҲИ ЭЛЕКТРОНИИ РЕКТОР
муфассалтар