Устодони кафедраи забони англисии факултети забонҳои шарқ ва муаллимаи кафедраи грамматикаи забони арабӣ Маликова Н. ҳамроҳи донишҷӯёни факултет бо мақсади иҷрои амалҳои хайр ва дастгирии беморону маъюбон ба “Маркази вилоятии барқарорсозӣ ва солимгардонии кӯдакони вилояти Суғд” дар ноҳияи Бобоҷон Ғафуров ташриф оварда, ба бошандагони онҷо дастархони идона оростанд.
Бояд тазаккур дод, ки аз ҷониби донишҷӯёни факултети забонҳои шарқ чорабинии идона ташкил карда шуда, дар он донишҷӯён бо қироати шеъру гуфторҳои пурмазмун, суруду барномаҳои рангин баромад карданд. Гурӯҳи ҳаҷвии “Taj Smile” якчанд саҳнаҳои ҳаҷвӣ ва миниатюркаҳоро ба намоиш гузошт, ки хотири аҳли тамошобинонро шод намуд.
Маркази иттилоот ва таҳлил
