ТЕЛЕФОН:+992 342265273
EMAIL:ittiloothgu@mail.ru
ИМРӮЗ
СОАТ

ЭЪЛОН
Раёсати илм ва инноватсияи донишгоҳ ба таваҷҷўҳи Шумо мерасонад, ки санаҳои 5-6-уми октябри соли 2018 дар Донишгоҳи давлатии Хуҷанд ба номи академик Бобоҷон Ғафуров конференсияи таълимӣ-методии ҷумҳуриявӣ таҳти унвони «Масъалаҳои мубрами таълим дар замони муосир» бо иштироки олимон ва мутахассисони соҳавӣ гузаронида мешавад. Аз ин ҷиҳат, хоҳишмандон метавонанд, мақолаҳои худро ба суроғаи электронии talim.hgu@mail.ru; bohir-1988@mail.ru ирсол намоянд.



ба қафо
ҶАШНИ РӮЗИ ЗАБОН ДАР ФАКУЛТЕТИ МАТЕМАТИКА
2017-09-25

Бахшида ба ҷашни Рӯзи забон дар толори факултети математика чорабинии илмиву бадеӣ таҳти унвони «Забон – сарчашмаи бахти миллат» бо иштироки устодон ва донишҷӯён баргузор гардид.
Чорабинии мазкур аз ҷониби донишҷӯёни курси якуми факултети математика  таҳия гардида, пешкаши ҳозирин гардонида шуд.
Дар оғози чорабинӣ декани факултет дотсент Қ. Бобохонов суханронӣ намуда, ҳамаи иштирокчиёнро бо Рӯзи забон ва Рӯзи  Рӯдакӣ табрику муборакбод намуданд.
Дар чорабинӣ донишҷӯён таъкид карданд, ки забони тоҷикӣ дар замони Сомониён забони давлатӣ ба ҳисоб мерафт. Имрӯз шукронаи он дорем, ин забони қадима –- забони ноби тоҷикӣ чун забони давлатӣ хизмат мекунад ва бо ин забон Сарвари давлат Асосгузори сулҳу ваҳдати миллӣ –- Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон аз минбарҳои баланд суханронӣ намуда, миллати тоҷикро ба  ҷаҳониён муррифӣ менамоянд.    
Дар рафти чорабинӣ аз ҷониби устоди кафедраи умумидонишгоҳии забони тоҷикӣ дотсент Ҳ. Олимова маърузаи илмӣ дар мавзӯи «Забон – сарчашмаи бахти миллат» пешкаш гардонида шуд.
Донишҷӯён дар васфи забони тоҷикӣ, чун Рӯзи Рӯдакӣ аз ашъори ӯ шеърҳо қироат намуданд.
Дар қисми бадеӣ-фарҳангии чорабинӣ намоиши саҳнача таҳти унвони «Забонгумкарда» пешкаши тамошобинон гардид. Мақсади асосии намоиш донистани забони модарӣ, тарбия намудани хештаншиносӣ, худшиносии миллӣ буд, ки донишҷӯён нақши худро бо маҳорат иҷро карда  тавонистанд.
Дар чамъбасти чорабинӣ иштирокчиёни маҳфил аз имконият истифода бурда устодонро бо фарорасии Иди касбиашон муборакбод намуданд ва таъби омӯзгоронро бо рақси зебои донишҷӯ Хиромон Якубова таҳти суруди  «Тоҷикистон» болида карданд.
 
Маркази иттилоот ва таҳлил
 
Аз назар гузарониданд:893 нафар



баён кардани ахборот


Electronic
ДОНИШГОҲ ДАР РАҚАМҲО
муфассалтар

ДДХ
ТЕЛЕВИЗИОНИ ДОНИШГОҲ
муфассалтар

ДДХ
РАДИОИ ДОНИШГОҲ
муфассалтар

Electronic
ҚАБУЛГОҲИ ЭЛЕКТРОНИИ РЕКТОР
муфассалтар