Бахшида ба муносибати Рӯзи модарон ва Соли рушди сайёҳӣ ва ҳунарҳои мардумӣ дар бинои таълимии №3 маҳфили илмию амалии навбатии кафедраи умумидонишгоҳии информатика, таҳти унвони «Донишҷӯ ва технологияи иттилоотӣ”доир гардид.

Ба маҳфили илмӣ-амалӣ мудири кафедраи мазкур дотсент Ҳусейнбой Аҳмедов оғоз бахшид. Иштирокчиёни навбатии ин маҳфили номбурда донишҷўёни соли аввали факултети забонҳои хориҷӣ буданд.

Озмуни мазкур аз рўи 3 шарт «Саволу ҷавоб тариқи шифоҳӣ», «Кор бо тахтаи электронӣ» ва «Ворид намудани матн ба компютер» ба роҳ монда шуд, ки донишҷўён бо лаёқати баланд иҷро намуданд. 

Дар маҳфил аз тарафи устодони кафедра ҳайати ҳакамон иборат аз се нафар муайян карда шуданд, ки онҳо баъди иҷрои ҳар бахш баҳогузорӣ менамуданд.

Сазовори ҷойи якум донишҷўйи соли аввали факултети забонҳои хориҷӣ Муродӣ Зӯҳро гурӯҳи 108, ҷойи дуюм Бӯрибоева Марғуба  гурӯҳи 111 ва ниҳоят зинаи сеюм насиби Ғозиева Волида аз гурӯҳи 102 гардид.

Дар хотима дотсент Ҳусейнбой Аҳмедов барои ғолибони маҳфил аз номи ректори донишгоҳ, профессор Ҷамшед Ҷўразода ифтихорнома ва дигар тўҳфаҳои хотиравиро супорид.

Маркази иттилоот ва таҳлил