Дирӯз  дар китобхонаи донишгоҳ аз тарафи  аҳли  ҷомеаи кафедраи адабиёти рус ва хориҷа конфронси илмӣ-адабӣ  таҳти  унвони «Горьковское чтение»  ташкил  ва гузаронида шуд.  Кофронси илмӣ ба 150-солагии асосгузори адабиёти муосири  рус М.Горкий  бахшида шуд. 

Мудираи кафедраи мазкур ҳозиринро бо барномаи конфронс шинос намуда, оид ба фаъолияти адабӣ  ва саҳми босазои  М.Горкий дар тараққиёти адабиёти муосири рус маърӯза кард. Сипас, донишҷўён дар бораи ҳаёт ва фаъолияти М.Горкий, асарҳои барҷастаи ў ва дар бораи романи «Модар» баромад намуданд.  Дар рафти конфронси илмӣ донишҷўён аз романи М.Горкий «Модар» саҳнаҳо  ба ҳозирин   намоиш доданд.  Ҳадаф аз баргузории ин конфронс донишҷўёнро дар равияи адабиётшиносӣ, хониши асарҳои бадеӣ, худшиносӣ, донистани адабиёти рус тарбия намудан аст.

 Дар анҷоми конфронс  дотсенти кафедраи адабиёти рус ва хориҷа Шарипов В.А.

суханронӣ намуда, ҳозиринро бо тантанаи 150-солагии М.Горкий табрик намуд.                  

                                                                                     Маркази иттилоот ва таҳлил