Дар ҳама давру замон тамоми бурду бохти зиндагӣ ба кори оила ва оиладорӣ зич марбут аст. Аз ин лиҳоз давлат ба оила чун ҷавҳари ҷамъият аҳамияти ҳамаҷониба медиҳад.Чи хеле ки Пешвои муаззами миллат, Асосгузори сулҳу  ваҳдати миллӣ, ҷаноби олӣ муҳтарам Эмомалӣ Раҳмон таъкид менамоянд «Ҷомеаи солимро наслҳои солим ва оилаҳои солим барпо мекунанд».

Дирӯз бо мақсади пешгирии ҷавонон аз амалҳои террористиву экстремистӣ, ки оқибатҳои манфии он ҳам ба оила, ҳам ба ҷомеа таъсир мерасонад, маҳфили навбатии “Фарҳанги оиладорӣ” дар толори калони раёсати  донишгоҳ баргузор гардид.

Дар маҳфил беш аз  донишҷўёну  устодони донишгоҳ  ширкат намуда, якчанд маърўзаҳои пурмуҳтаво аз тарафи устодон , аз ҷумла маърўзаи муаллимаи кафедраи умумидонишгоҳии сиёсатшиносӣ ва фарҳангшиносӣ Шарипова М.Ҳ.«Нақши оила дар пешгирии гароиши ҷавонон ба ҳизбу созмонҳои экстремистиву террористӣ ва нашъамандию нашъаҷаллобӣ » шунида шуд. Аз тарафи донишҷўёни факултети  молия ва иқтисодиёти бозор барномаи фарҳангию адабӣ, саҳначаҳои ҷолиб намоиш дода шуд.

 Маркази иттилоот ва таҳлил