Санаи 27 сентябр дар толори хурди Раёсати Донишгоҳи давлатии Хуҷанд ба номи академик Бобоҷон Ғафуров мизи мудаввар дар мавзӯи «Забони русӣ дар муҳити таҳсилотии Россия ва Тоҷикистон: таҷрибаи омӯзиш ва дурнамои ҳамкориҳо» баргузор гардид. Дар ин чорабинӣ, консули Генералии Россия дар ш. Хуҷанд Бондаренко Валерий Алексеевич, роҳбари њамкорињои Россия (Росотрудничество) дар ш. Хуҷанд Иванов Иван Сергеевич иштирок намуданд. Ҳамзамон муовини аввали раиси Шӯрои Ассамблеяи халқҳои Россия, директории Институти илмӣ-тадқиқотии таърих ва этнографияи Урали Ҷанубии Донишгоҳи давлатии Оренбург, доктори илмҳои таърих Амелин Венамин Владимирович дар якҷоягӣ бо муовини ректор оид ба робитаҳои байналмилалӣ Азизов А., чун модератори мизи мудаввар диққати ҳозиринро ба масоили омӯзиш ва таълими забони русӣ дар мактабҳои таҳсилоти ҳамагонӣ ва макотиби олӣ ҷалб намуданд.