Бо ташаббуси омӯзгори кафедраи фонетика ва лексикологияи забони англисӣ Раҷабова С.Б. ва донишҷӯёни гурӯҳи 108 дар хобгоҳи №1-и донишгоҳ чорабинии тарбиявӣ таҳти унвони “Ҷавонон зидди терроризм ва экстремизм!” бо иштироки устодон ва донишҷӯёни дар хобгоҳ истиқоматкунанда баргузор гардид.
Чорабинии мазкур бо навори ибратомез оғоз шуда, аз тарафи барандагон маълумот дар бораи терроризм ва экстремизм пешкаши тамошобинон гардид.
Дар ин чорабинӣ донишҷӯён дар васфи ватан, сулҳ ва модар шеърҳои пурмазмунро аз ашъори шоирони тоҷик қироат намуданд. Инчунин донишҷӯён саҳначае пешкаш намуданд, ки он хеле рамзӣ буд. Сипас якчанд донишҷӯён бо муаррифиҳои пурмазмун, ки бо се забон омода шуда буданд, баромад карданд.
Дар анҷоми чорабинӣ мудири кафедраи фонетика ва лексикология, н.и.ф. Азимова С.Р. сухан карда, ба донишҷӯён барои омода намудани чунин чорабинии пурмазмун ва ҷолиби диққат миннатдорӣ изҳор намуд.
Маркази иттилоот ва таҳлил