Дирӯз дар толори хобгоҳи №2-и донишгоҳ чорабинии тарбиявӣ таҳти унвони «Тинҷиву амонӣ ва осоиштагии кишварро хоҳонем!» баргузор гардид. Дар он мудири кафедраи умумидонишгоҳии сиёсатшиносӣ ва фарҳангшиносӣ А. Бердишукуров ва ҷомеаи устодони кафедра иштирок намуданд.
Нахуст мудири кафедраи мазкур, дотсент А. Бердушукуров иштироки ҳамаи донишҷӯдухтарони хобгоҳро хайрамақдам гуфт ва аз ҷараёни он ба эшон ҳарф зад.
Сипас, устодон дар мавзӯъҳои «Зирракӣ ва боҷуръатиро аз даст намедиҳем», «Хатару таҳдидҳои муосир ба амнияти Точикистон», «Шомилшавии ҷавонон ба ҳизбу ҳаракатҳои экстремизму терроризм», «Нашъамандӣ вабои аср» баромади пурмӯҳтаво намуданд, ки аҳли нишаст аз он баҳра бардоштанд.
Дар қисми дуюми чорабинӣ барномаи фарҳангӣ аз тарафи донишҷӯёни соли 3-юм, гурӯҳи 301-302-и факултети филологияи тоҷик манзури аҳли нишаст гардонида шуд. Дар ин барнома донишҷӯён шеъру гуфторҳо, саҳначаҳои тарбиявӣ, рақсу сурудҳои марбут ба мавзӯи мазкур дар таҳияи донишҷӯён ва дигарон манзури иштирокчиён гардонида шуд.
Чорабинии тарбиявӣ хеле хуб ва дар сатҳи баланди эҷодӣ гузаронида шуд, ки ин барои ҷавонон ва дар дили онҳо нисбат ба дӯстдории меҳан, модар ва як каф хоки ватанро бештар мегардонад.
Маркази иттилоот ва таҳлил