Дирӯз дар факултети забонҳои хориҷӣ вохӯрӣ бо нозири гурӯҳи назорати муомилоти маводи нашъаовар ва пешгирии нашъамандӣ лейтенанти х.н.м.н. Аҳмадзода Ҷамшед Фаррух дар мавзӯи “Худро аз бемории СПИД-ВНМО эмин доред” гузаронида шуд. Дар вохӯрӣ ва раёсати факултет, устодон  ва донишҷӯён иштирок доштанд. Вохӯриро мудири кафедраи забони олмонӣ Саидов М.М. ифтитоҳ намуда,   риштаи суханро ба лейтенанти х.н.м.н. Аҳмадзода Ҷамшед  дод.

Лейтенанти х.н.м.н. Аҳмадзода Ҷамшед  ҳолатҳои воқеии дар шаҳру ноҳияҳои ҷумҳурӣ ва алалхусус дар вилояти Суғд рухдодаро ба донишҷӯён нақл кард ва оқибатҳои ин ҳодисаҳоро фаҳмонд. Инчунин ӯ дар бораи ҳолатҳои сару кор доштан бо маводҳои нашъаовар ва ба ҷавобгарӣ кашида шудани шахсиятҳои бо он сару кор дошта мисолҳо овард. Мавзӯи терроризм ва экстремиз низ аз мадди назари лейтенант дур намонд. Ӯ дар ин мавзӯъ ҳам бо мисолҳои далелнок сухан ронда, ҷавононро аз шомил шудан ба чунин гурӯҳҳо ва даст задан ба корҳои ношоям ва оқибатҳои хатарноки онҳо огоҳ кард.

Дар анҷоми суханаш ӯ ба тамоми нишастагон бурдбориҳои ҳаёт ва ҳамеша ба сӯи фардои дурахшон бо дили пур ва нигоҳи нек нигаристанро таманно кард.

Дар қисми дуюми вохӯрӣ барои донишҷӯён маводҳои муаррифӣ ва филмнаворҳои омодашударо намоиш дода, ба чорабинии тарбиявӣ ҳусни хотима бахшида шуд.

Маркази иттилоот ва таҳлил