2017-10-11

10-уми сентябри соли равон бо ташаббуси иҷроияи ибтидоии ҲХДТ дар назди ДДХ ба номи академик Бобоҷон Ғафуров намоиши филми ҳуҷатии “Меъмори Сулҳу Ваҳдат” ба устодону донишҷӯёни факултетҳои молия ва иқтисоди бозор ва факултети педагогӣ гузошта шуд. Намоиши мазкурро муовини кумитаи ибтидоии ҲХДТ дар назди донишгоҳ дотсент Ӯғулой Умаралиева ҳусни ифтитоҳ бахшида, аз комёбиву пешравиҳои кишвар ва саҳми Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар ин ҷода ҳарф зад.

Пас аз сухани ифтитоҳӣ филм ба маърази тамошои донишҷӯёну устодони донишгоҳ гузошта шуд.
Аз тамошои филми мазкур донишҷӯёну устодон таасуроту бардоштҳои хуб гирифта, пас аз он донишҷӯён ба  саволҳои сершумори худ нисбати филм посухҳои қаноатбахш гирифтанд.

 

Маркази иттилоот ва таҳлил