ба қафо
ГЕРМАНИСТОНИ ҶАВОН
2017-10-31
Дар утоқи 309-и факултети забонҳои хориҷӣ ҷаласаи навбатии маҳфили илмии донишҷӯёни кафедраи забони олмонӣ “Германистони ҷавон” баргузор гардид. Маҳфилро роҳбари он дотсент М.А.Сулаймонова оғоз намуда, ҳозиринро бо рӯзнома шинос намуд. Қайд карда шуд, ки мавқеи Йоханн Волфганг Гёте дар адабиёти Олмон ва ҷаҳон хеле баланд буда, ӯ дар таърихи инсоният яке аз барҷастарин инсонҳо ба шумор меравад. Аз ин лиҳоз доштани маълумоти пурра дар бораи Гёте, донистани ашъору асарҳои ӯ барои муҳассилини гурӯҳҳои олмонӣ хеле муфид ва муҳим мебошад. Дар бораи “Девони ғарбӣ-шарқи”-и Гёте донишҷӯи курси 3 Нодир Ҷабборов маърӯза кард. Дар охир мубоҳисаи хеле шавқовар барпо карда шуд.
Дар охир аз тарафи роҳбари маҳфил қайд карда шуд, ки ҷаласаи навбатӣ санаи 16 ноябр соати 14.00 бо маърӯзаи донишҷӯи курси 2 Абдусаттори Абдураҳим таҳти унвони “Олмон: халқ, таърих ва фарҳанг” ва тамошои филми кишваршиносӣ дар бораи Олмон ба нақша гирифта шудааст. Хоҳишмандон ва ҳаводорони забони олмонӣ дар кори маҳфил иштирок карда метавонанд.
Маркази иттилоот ва таҳлил
Аз назар гузарониданд:580 нафар
баён кардани ахборот
