Дар факултаи Забонҳои Шарқ  конференсияи илмӣ-назариявӣ   бахшида ба Даҳсолаи амалиёти “Об-барои рушди устувор 2018-2028”таҳти унвони “Об-нерӯи созандаи табиат” бо ташаббуси устодони кафедраи фалсафаи ДДХ ба номи академик  Бобоҷон Ғафуров баргузор гардид. Дар он донишҷӯёни курси 2-юми факултет иштирок намуданд. 

Дар факултети забонҳои хориҷии ДДХ ба номи академик Бобоҷон Ғафуров таҳти  унвони “Одоби Салом” чорабинии илмӣ-адабӣ бо роҳбарии дотсент Мавлуда Раҷабова  баргузор гардид. Дар чорабинии мазкур донишҷӯёни бахши  чоруми ихтисоси омӯзгори забони англисӣ иштирок намуданд. Мавлуда Раҷабова  дар чорабини гуфт, ки салом нишонаи боодобӣ ва бофарҳангии шахс буда бояд ҷавонони мо имрӯз одоби дурусти саломро аз бузургсолон омӯзанд ва тавонанд, ки одоб ва фарҳанги баланди худро нишон дода дар ҷомеа ҳамчун шахси намунавӣ муаррифи гарданд. 

Бахшида ба Соли рушди сайёҳӣ ва ҳунарҳои мардумӣ маҳфили илмию амалии навбатии кафедраи умумидонишгоҳии «Информатика», таҳти унвони «Донишҷӯ ва технологияи иттилоотӣ”доир гардид.

Ба маҳфили илмӣ-амалӣ мудири кафедраи мазкур дотсент Ҳусейнбой Аҳмедов оғоз бахшида зикр кард, ки иштирокчиёни навбатии ин маҳфили номбурда донишҷўёни соли аввали факултети филологияи тоҷик мебошанд. 

Тибқи нақшаи таҳия кардашудаи чорабиниҳои ҳафтаи илм дар факултети педагогӣ санаи маҳфили илмии намунавии  математикони ҷавон ташкил ва баргузор карда шуд, ки дар кори он намоянда аз раёсати илм ва инноватсияи Донишгоҳ, мутахассиси пешбар ва устодони факултет ва 60 донишҷўён иштирок намуданд. Маҳфил дар ду бахш амал намуд, ки сараввал Тоҷибоева М. – донишҷўи курси сеюм тибқи нақшаи маҳфили математикони ҷавон таҳти унвони «Хусусиятҳои ташкили дарсҳои математикаи синфҳои ибтидоӣ дар низоми салоҳиятнокӣ» бо муаррифнома баромад намуд. Ба барнома қисми дуввуми маҳфил викторинаи математикӣ баргузор карда шуд. 

Санаи 6-уми апрели соли 2017 бо ташаббуси раёсати ДДХ ба номи академик Бобоҷон Ғафуров вобаста ба иҷрои дастури хосаи Пешвои миллат – Асосгузори сулҳу ваҳдати миллӣ, Президенти Ҷумҳурии Тоҷикистон, Ҷаноби Олӣ Эмомалӣ Раҳмон  бо мақсади арҷ гузоштан ба мероси бою ғании ниёгон ва баланд бардоштани ҳисси худшиносию хештаншиносӣ ва ватандўстии наслҳои ҷомеа конференсияи ҷумҳуриявии илмӣ-назариявии «Садриддин Айнӣ ва масъалаҳои рушди адабиёти навини тоҷик» бахшида ба 140-умин солгарди бунёдгузори адабиёти навини тоҷик Садриддин Айнӣ баргузор гардид.

Тӯли 2 сол аст, ки омӯзгорони факултети забонҳои хориҷӣ дар барномаи ЕТМ, ки аз тарафи сафоратхонаи Амрико ташкил карда шудааст, иштирок мекунанд. Ин  барнома барои такмили ихтисоси омӯзгорони забони англисӣ мусоидат менамояд. Аллакай аз рӯи барномаи  мазкур 7 нафар омӯзгорони факултет соҳиби шаҳодатномаҳо гардидаанд,  ки ин иштирокчиён баъди  соҳиб шудан ба шаҳодатномаҳо ду семинарҳои ҳисоботӣ ташкил карда, гузарониданд. 

Дар факултети педагогӣ маҳфили навбатии илмии «Камолоти инсон» дар мавзўи «Фарҳанги муошират ва тарбияи ҷавонони замони муосир» таҳти роҳбарии доктори илмҳои педагогӣ, профессор Шаропов Ш.А. баргузор гардид.

Чорабиниро доктори илмҳои педагогӣ, профессор Шаропов Шавкат Аҳмадович ҳусни ифтитоҳ бахшида, ҳозиринро бо мақсад ва ҳадафҳои асосии маҳфил шинос намуд. Ҳамзамон, профессор Шаропов Ш.А. оид ба нақш ва мавқеи муошират дар замони муосир маълумот дода, аз гуфтаҳои олими амрикоӣ Дейл Карнегӣ мисолҳои ҷолиб овард.

Бахшида ба Соли рушди сайёҳӣ ва ҳунарҳои мардумӣ дар факултети санъати тасвирӣ ва технология дарси кушоди дотсенти кафедраи технология ва методикаи таълими он Дадобоева Муҳаррам Наимҷоновна оид ба мавзӯи “Таърих ва рушди ҳунари кашидадӯзӣ, сӯзанидӯзӣ” баргузор гардид.