Ҷашни Наврўзи ҳуҷастапай имсол ба Донишгоҳи давлатии Хуҷанд ба номи академик Бобоҷон Ғафуров бо маросими кушодашавии Осорхонаи таърихии донишгоҳ дар тарҳи ҷадид оғоз гардида, тамоми собиқадорон, олимону мутахассисон, меҳмонону ҳунармандон ва устодону донишҷўёнро ба майдони наврўзии саҳни бинои 1-и таълимӣ ба ҳам овард.

Нишасти 160  маҳфили илмиву адабии “Ганҷи сухан” дар ҳузури бештар аз дусад нафар дӯстдорони каломи бадеъ бо иштироки олимону адибони номвари кишвар дар арафаи Наврӯзи дилафрӯз дар толори ДДХ ба номи академик Бобоҷон Ғафуров баргузор гардид. Маҳфилро роҳбари маҳфил Саидумрон Саидов ифтитоҳ бахшида ҳозиринро бо Наврӯз муборакбод гуфт ва иттилоъ дод, ки ин нишаст ба ду воқеаи фараҳбахш яке фарорасии Баҳору Наврӯз дигаре ба  солгарди Қаҳрамони Тоҷикистон, асосгузори адабиёти навини тоҷик устод Садриддин Айнӣ бахшида шудааст.

Устодони муҳтарам!

Донишҷўёни гиромӣ!

Нахуст дар ин лаҳзаҳои пурнишот, ки баҳори фаррухпай ба сарзамини мо қадамҳои муборак хешро  мегузорад, фарорасии ҷашни  ҷаҳонии Наврўзро бароятон таҳният гуфта, орзуманди он ҳастам, ки ҳузури ин баҳор ва ин ҷашни хуҷаста имсолу солиёни дигар ба  ҳамаи Шумо ва дар шахси Шумо ба тамоми мардуми азизи кишвар рўзҳои офтобиву гулрез, фаровониву нусратёрӣ, дастархони пур аз нозу неъматро чун ҳадяи беҳтарини идона ато оварад.  

Дар  толори факултети физика ва техникаи Донишгоҳ бахшида ба омад омади Наврӯзи оламафрӯз аз ҷониби маҳфили “Гулчини адаб”-и  назди кафедраи умумидонишгоҳии забонҳои хориҷӣ чорабинии фарҳангӣ-маърифатӣ гузаронида шуд, ки дар он донишҷӯёни факултети филологияи рус, математика, физика ва техника бо табрикнома, қироати шеърҳо, хондани суруд, рақсҳои ҷолиб ва  иҷрои саҳначаҳо баромад намуданд. Дар чорабинӣ декани факултети физика ва техника дотсент Шамсиддинов М, намоянда аз шӯъбаи тарбияи донишгоҳ, иштирок намуданд. 

Дар кафедраи тарҷума ва грамматикаи забони англисӣ бахшида ба Соли 2018 – Соли рушди сайёҳӣ  ва ҳунарҳои мардумӣ бо ибтикор ва иштироки донифшҷӯёни гурӯҳи 310, ихтисоси назария ва амалияи тарҷумаи забони англисӣ викторинаи илмӣ дар мавзӯи “Tourism”(Саёҳат) баргузор гардид.

Таҳти чунин унвон чорабинии идона бахшида ба Рӯзи модар дар толори хобгоҳи №3-и донишгоҳ бо иштироки устодон ва гулдухтарони ин боргоҳи илму маърифат баргузор гардид.

Ба чорабинӣ устоди кафедраи умумидонишгоҳии  сиёсатшиносӣ ва фарҳангшиносӣ М. Қурбонова ҳусни ифтитоҳ бахшида, тамоми меҳмонон ва донишxeёнро бо фарорасии фасли баҳор ва  Рӯзи модар табрику муборак бод намуда, аз ҷумла қайд намуд, ки занҳо фариштаи рӯи замин, чароғи хонадон, роҳнамои фарзандон мебошанд.

Дар толори Раёсати Донишгоҳи давлатии Хуҷанд ба номи академик Бобоҷон Ғафуров бахшида ба Иди бонувон, “Рӯзи модар” барномаи адабию фарҳангӣ бо иштироки меҳмонон ва устодону бонувони донишгоҳ баргузор гардид.

Нахуст ректори донишгоҳ профессор Ҷамшед Ҷӯразода суханронӣ намуда иброз дошт, ки имрӯз сиёсати давлату Ҳукумат махсусан таваҷҷӯҳи Пешвои миллат дар баланд бардоштани мавқеи зан  дар ҷомеа назаррас буда, ба он равона гардидааст, ки то ҳаёти занону модарони мо осоишта гардида, ин табақаи иҷтимоии пурмалоҳати ҷомеа ҳамчун роҳбар, сиёсатмадор, олим ва тарбиятгари беҳтарин шинохта шаванд. 

Бахшида ба муносибати Рӯзи модарон ва Соли рушди сайёҳӣ ва ҳунарҳои мардумӣ дар бинои таълимии №3 маҳфили илмию амалии навбатии кафедраи умумидонишгоҳии информатика, таҳти унвони «Донишҷӯ ва технологияи иттилоотӣ”доир гардид.

Ба маҳфили илмӣ-амалӣ мудири кафедраи мазкур дотсент Ҳусейнбой Аҳмедов оғоз бахшид. Иштирокчиёни навбатии ин маҳфили номбурда донишҷўёни соли аввали факултети забонҳои хориҷӣ буданд.