Бо мақсади баррасӣ   ва  фаҳмонидани мазмун ва мўҳтавои  Қонуни  Ҷумҳурии Тоҷикистон  «Дар бораи танзими анъана ва  ҷашну маросимҳо дар Ҷумҳурии Тоҷикистон» №274 аз 08.06.2007 ва  ворид шудани тағйироту иловаҳо  ба Қонуни  мазкур, Фармони Вазири  маориф ва илми    Ҷумҳурии Тоҷикистон аз  4.10.2007 Таҳти №1889  «Дар бораи  тасдиқи дастурамали либосҳои  тавсиявии хонандагон ва донишҷӯёни муассисаҳои таҳсилоти ибтидоӣ, миёна ва олии  касбӣ» ва Низомномаи донишгоҳу тартиботи дохилии факултет яъне факултет санаи 21.09.2017  педагогӣ  маҷлиси  духтарон  баргузор карда шуд, ки дар кори он донишҷӯдухтарони факултет   Дар маҷлис  дотсентон  М. Каримова, Д. Абдуллоева, сармуаллимон  М. Мухторова, М. Азимова, О. Қаюмова, З. Раҷабова  иштирок ва суханронӣ  намуданд.

Дар толори лексионии факултети забонҳои хоричии Донишгоҳи давлатии Хуҷанд ба номи академик Бобоҷон Ғафуров намоиши барномаҳои таҳсилотии Амрико (USA Education programs) доир гардид. Дар семинар зиёда 100 нафар донишҷӯёну устодони  донигоҳ ширкат варзида, дар бораи роҳҳои дарёфт намудани стипендияҳо барои таҳсил дар  коллеҷу донишгоҳҳои Амрико  маълумот гирифтанд. Дар ҷараёни семинари машаратӣ тарзи пур кардани апликатсияҳо ва талаботҳои донишгоҳҳои ИМА аз чониби намояндаи ташкилоти “Таҳсилот дар Амрико”-и  назди сафоратхонаи Амрико дар Чумҳурии Точикистон Рухшона Мирзоортиқова  маънидод карда шуд.  Мирзоортиқова ҳамчунин дар  бораи истифодаи  сайтҳои маъмул ба  хотири омузиши  забони  англисӣ  ва супоридани  имтихони TOEFL   ва дигар  санчишҳои  лозимӣ  барои  дохилшавӣ  ба   донишгоххои   Амрико маълумот дод.

Дар кафедраи умумидонишгоҳии фалсафаи Донишгоҳи давлатии Хуҷанд ба номи академик Бобоҷон Ғафуров дар соли хониши равон семинари илмии “Хазинаи ҳикмат” ба ҷаласаи аввалини худ оғоз бахшид. Семинари илмии мазкур мувофиқи нақшаи кафедра, ба кор шурӯъ намуда, ҳафтаи сеюми ҳар моҳ гузаронида мешавад. 

Садорати Китобхонаи марказии Донишгоҳи давлатии Хуҷанд ба номи академик Бобоҷон Ғафуров ҷиҳати боз ҳам хубтар ба роҳ мондани фаъолияти Китобхонаи марказӣ, тарғибу ташвиқи фарҳанги китобдорӣ ва ҷалби бештари хонандагон ба он тасмим гирифтааст, ки ба муносибати Соли ҷавонон ташрифи ҳаррўзаи донишҷўён, магистрантон,  аспирантон ва устодони донишгоҳро таҳлил ва баррасӣ намуда, натиҷаҳои онро ба сомонаи донишгоҳ манзур намояд.  Мушоҳидаҳо нишон медиҳанд, ки имрӯз сани 20.09.2017 аъзошавӣ 41, ташрифоварӣ - 284,  дастраснамоӣ -344, омўзгор – 8, ҳамагӣ: 677 нафар баҳри  мутолиаи китоб ба Китобхонаи марказии донишгоҳ ташриф оварданд.

Бо мақсади баррасӣ ва ба самъи  донишҷўён  расонидани зарурати  ворид намудани тағйироту иловаҳо ба Қонуни Ҷумҳурии  Тоҷикистон  «Дар бораи  танзими анъана ва ҷашну маросимҳо дар Ҷумҳурии Тоҷикистон»   имрўз ба факултети  педагогӣ  муовини  раиси Суди  шаҳри  Хуҷанд Раҳмон  Ҷўрахон Қурбоналӣ  ва судяи Суди шаҳрӣ  Саидмухторзода  Шўҳрат ташриф оварданд.

   Нишасти   154-умини маҳфили илмиву адабии “Ганҷи сухан”, бахшида ба Рӯзи Рӯдакӣ ва Рӯзи забон дар  толори факултети филологияи тоҷики ДДХ ба номи академик Б.Ғафуров  баргузор гардид. Дар он бештар аз 200 нафар устодону донишҷӯён ва мухлисони каломи бадеъ ширкат варзиданд. Маҳфилро масъули маҳфил номзади илмҳои филология, дотсент Саидумрон Саидов ифтитоҳ бахшид. Нахуст ӯ  оид ба ворид шудани  тағйиру иловаҳо ба Қонуни Ҷумҳурии Тоҷикистон «Дар бораи танзими анъана ва ҷашну маросимҳо дар Ҷумҳурии Тоҷикистон» изҳори назар карда, муҳимияти ин санади мардумиро таъкид кард. Ӯ гуфт ин санади муҳим аз он шаҳодат медиҳад,ки Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар баробари андешаи ободиву осудагии мардум моро ба сӯи маънавиёт раҳнамоӣ менамоянд. Намояндаи Мақомоти иҷроияи ҳокимияти давлатии вилояти Суғд Манзура Шамсиева салому паёми Раиси вилояти Суғд мӯҳтарам Абдураҳмон Қодириро ба самъи ҳозирин расонида, оид ба мақоми забони тоҷикӣ ва сиёсати забонӣ дар Тоҷикистон изҳори назар кард. Баъдан дар мавзӯи “ Иҷлосияи 16-Шӯрои Олии Ҷумҳурии Тоҷикистон- сароғози саодату ободии Ватан. муовини ректори Донишгоҳи давлатии Хуҷанд ба номи академик Бобоҷон Ғафуров оид ба тарбия Шамсиддинов Мӯъминҷон суханронӣ намуда,  арзиши таърихии ин воқеаи сиёсиро тазаккур дод.