Дар факултети педагогӣ бо иштироки кули омўзгорон ва кормандону коргузорон семинар – машварати омӯзишӣ роҷеъ баҷорӣ сохтани низоми нави холгузорӣ ва гузариш ба тарзи таҳсилоти фосилавӣ баргузор гардид.  Машваратро  декани факултет С. Рабиев ҳусни ифтитоҳ бахшида, ҳозиринро бо дастуру  супоришҳои раёсати донишгоҳ шинос намуд. Мавсуф таъкид бар он дошт, ки риояи қатъии низоми меҳнат аз ҷониби устодон ба роҳ монда шуда, ҷадвали навбатдорӣ ба таври қатъӣ риоя карда шавад. Декани факултет кураторон ва омўзгорони фанниро вазифадор намуд, ки минбаъд дар оғози ҳар як дарс 5 дақиқаи онро ба масъалаҳои сиёсӣ ва навидҳои рўзмарра бахшида, сатҳи донишҳои сиёсии донишҷўёнро баланд бардоранд. 

Дар оғози соли хониш дар маросими таҷлили рӯзи дониш ва дарси сулҳ дар Донишгоҳи давлатии Хуҷанд ба номи академик Бобоҷон Ғафуров бо иштироки муовини раиси шаҳри Хуҷанд Раъно Ҳошимзода ва муттахассиси пешбари Шўъбаи рушди иҷтимоӣ ва робита бо ҷомеаи дастгоҳи Раиси вилоят Мирзотоҳир Набиев ду майдончаи варзишии хурд дар микроноҳияи 17-уми шаҳри Хуҷанд дар шафати биноҳои таълимии №1 ва №2 ба истифода дода шуданд. Дар маросими ифтитоҳ донишҷўёни варзишгар ва собиқадорони соҳа иштирок намуда, барои ин ибтикор ва дастгирӣ ба раёсати донишгоҳ изҳори сипос ва миннатдории худро баён намуданд. 

Дар доираи нақшаи чорабиниҳои Ҳукумати Ҷумҳурии Тоҷикистон гурўҳи корӣ оид ба шарҳи нуқтаҳои муҳими Қонуни Ҷумҳурии Тоҷикистон «Дар бораи танзими анъана ва ҷашну маросимҳо дар Ҷумҳурии Тоҷикистон» ва дигар санадҳои меъёрии ҳуқуқӣ нав қабулшуда бо сардории Маҳмадалӣ Ватанзода, ёрдамчии Президенти Ҷумҳурии Тоҷикистон оид ба масъалаҳои ҳуқуқӣ, намояндаи ваколатдори Президенти Ҷумҳурии Тоҷикистон дар Маҷлиси миллӣ ва Маҷлиси намояндагони Маҷлиси Олии Ҷумҳурии Тоҷикистон доир ба тағйироти муҳими Қонуни Ҷумҳурии Тоҷикистон «Дар бораи танзими анъана ва ҷашну маросимҳо дар Ҷумҳурии Тоҷикистон» ба Донишгоҳи давлатии Хуҷанд ба номи академик Бобоҷон Ғафуров ташриф овард.

 Дар факултети педагогӣ, вохӯри донишҷӯёни курси якум  бо мудири шӯъбаи кор бо ҷавонони раёсати донишгоҳ Эҳсон Наврӯзов вобаста ба пешвози иди Истиқлолияти давлати Ҷумҳурии Тоҷикистон баргузор гардид.

Мақомоти иҷроияи ҳокимияти давлатии вилояти Суғд ба муносибати 26- умин солгарди Истиқлолияти давлатии Ҷумҳурии Тоҷикистон дар боғи фарҳангии «Қалъаи Хуҷанд» таҳти унвони «Биёед, китоб мехонем» аксияи китобро баргузор намуд, ки дар он  бештари Китобхонаҳои вилоят китобҳои тозанашри  худро ба намоиш гузоштанд. Китобхонаи марказии Донишгоҳи давлатии Хуҷанд ҳам ба монанди дигар муассисаҳои фарҳангӣ китобҳои дарсӣ, бадеӣ ва дастовардҳои олимони донишгоҳро ба намоиш гузошт, ки аз он  хонандагони мактабҳои миёна, олӣ ва умуман мардумони касбу кори гуногун ғизои маънавӣ бардоштанд.  Дар  аксияи мазкур 50 номгў ва 108 адад китобҳои Асосгузори сулҳу ваҳдати миллӣ,  Пешвои миллат муҳтарам Эмомалӣ Раҳмон ва зиёда аз 800 адад китобҳои устодон ва олимони Донишгоҳи давлатии Хуҷанд ба намоиш гузошта шуд. Ҳадаф аз гузаронидани « Аксияи китоб» ин тарбияи насли   ҷавон, тарғибу ташвиқи фарҳанги китобдорӣ ва мутолиаи китоб мебошад. 

Ташкилёбии давлати соҳибихитиёр, демокративу ҳуқуқбунёд ва дунявию ягонаи тоҷикон натиҷаи талошҳои пайваста ва ниҳояти ҷонбозиҳои халқхои маскуни ин сарзамин маҳсуб меёбад.