Дар факултети филологияи рус чорабинии сиёсӣ -фарҳангӣ бахшида ба Рӯзи таъсисёбии Қувваҳои Мусаллаҳи Ҷумҳурии Тоҷикистон баргузор гардид. Чорабиниро декани факултет номзади илмҳои филологӣ дотсент Дӯсматова Шаҳло  оғоз намуда, тамоми низомиён дар қатори онҳо тамоми  мардони далеру шуҷои кишварро бо фарорасии ин ҷашни муҳим шодбош гуфт. 

Бо ташаббуси кафедраи умумидонишгоҳии забони тоҷикӣ бахшида ба Рўзи байналмилалии забони модарӣ ва ҳафтаи илм дар факултети санъати тасвирӣ ва технология муаррифии китоби Пешвои миллат «Забони миллат-ҳастии миллат» баргузор гардид. Сараввал, дар бораи Рўзи байналмилалии забони модарӣ муаллими кафедра Ҳусанбоев Н. гузориш дода, дар атрофи масъалаҳои мубрами марбут ба соҳаи забоншиносӣ ибрози ақида намуд. 

Бахшида ба Ҳафтаи илм, дар факултети забонҳои шарқ семинари илмӣ-намунавӣ таҳти унвони “Истифодаи тахтаи интерактивӣ  ва маводҳои мултимедӣ дар раванди таълим” доир гардид. Нахуст мудири кафедраи мазкур, дотсент Ҳ. Аҳмедов аз мақсади ташкил кардани ин семинар маълумот дод.  Номбурда дар баромади хеш зикр намуд, ки дар Донишгоҳи давлатии Хуҷанд ба номи академик Б.Ғафуров ба масъалаи баланд бардоштани сатҳу сифати дониш ва тарбияи мутахассисони ба талаботи замони имрӯза ҷавобгӯ эътибори ҷиддӣ дода мешавад.

Дар партави супоришҳои Асосгузори сулҳу ваҳдати миллӣ, Пешвои миллат, Раиси Ҳизби Халқии Демократии Тоҷикистон - муҳтарам Эмомалӣ Раҳмон ҷаласаи  васеи КИИ Б. Ғафуров дар назди Кумитаи маҳаллаи Раззоқ ҳисоботи фаъолияти солонаи худро доир намуд. Ҷаласаро Раиси Кумитаи иҷроияи ибтидоӣ, ректори Донишгоҳи давлати Хуҷанд ба номи академик Бобоҷон Ғафуров, профессор Ҷӯразода Ҷ.Ҳ. оғоз намуда, ҳозиринро бо рӯзномаи ҷаласа ошно намуд. Сипас, аз ҷониби Раиси Кумитаи иҷроияи ибтидоӣ  баромади муфассал оид ба фаъолияти солонаи Кумитаи иҷроия ва ташкилотҳои ибтидоии он манзури аҳли нишаст гардид.

Баҳри иҷрои талаботҳои «Барномаи давлатии такмили таълим ва омӯзиши забонҳои русӣ ва хориҷӣ дар Ҷумҳурии Тоҷикистон барои солҳои 2015-2020» дар донишгоҳ ҳафтаи илм эълон гардидааст. Ба ин муносибат дар кафедраи умумидонишгоҳии забонҳои хориҷӣ конфронси илмӣ баргузор гардид, ки дар он, ноибректори  шӯъбаи илм ва инноватсия профеессор Сабуров Х. ва омӯзгорони кафедра иштирок намуданд. 

Ба муносибати ҷашни 25 солагии таъсисёбии Артиши миллӣ дар хобгоҳи №9-и Донишгоҳи давлатии Хуҷанд ба номи академик Б.Ғафуров конфронси илмӣ-амалӣ дар мавзўи «Тарбия дар руҳияи бунёдкорӣ ва созандагӣ» баргузор гардид. Конфронсро декани факултети таърих ва ҳуқуқ Маҳмудова Н.С. ҳусни оғоз бахшида, донишҷўёни хобгоҳро бо фарорасии иди Артиши миллӣ табрик намуд ва қайд кард, ки ҷомеаи имрўза ба насли дар руҳияи ватандўстию худшиносии миллӣ ба воя расида эҳтиёҷ дорад. 

Ин навбат маҳфили илмиву адабии  «Ганҷи сухан” дар толори китобхонаи вилоятии  оммавии ба номи Тошхоҷа Асирӣ олимону адибон ва мухлисони каломи бадеъро ҷамъ овард. Нахуст маҳфилро роҳбари маҳфил Саидумон Саидов ифтитоҳ бахшида, аз санаи муборак 70 солагии узви вобастаи АИ Ҷумҳурии Тоҷикистон Мирзо Муллоаҳмад ёд кард ва аз хидматҳои фаровони ин олим дар ҷодаи адабиётшиносӣ ба ҳозирин маълумот дод.

Дар  факултети забонҳои хориҷӣ вохӯрии донишҷӯён бо духтурон баргузор гардид.

Нахуст духтури амрози занона Мирисоқова Шомита дар атрофи масъалаҳои муҳим чун тарзи татбиқи ҳаёти солим ва бунёди ҷомеаи солим, оқибатҳои нохуши риоя накардани гигиенаи шахсӣ ва роҳҳои пешгирии бемориҳо ба таври муфассал баромад намуд.