Устодони кафедраи забони англисии факултети забонҳои шарқ ва муаллимаи кафедраи грамматикаи забони арабӣ Маликова Н. ҳамроҳи донишҷӯёни факултет бо мақсади иҷрои амалҳои хайр ва дастгирии беморону маъюбон ба “Маркази вилоятии барқарорсозӣ ва солимгардонии кӯдакони вилояти Суғд”  дар ноҳияи Бобоҷон Ғафуров ташриф оварда, ба бошандагони онҷо дастархони идона оростанд.

«Асрори сухан» маҷмӯаи нави мақолаҳо оид ба масъалаҳои мубрами журналистика, адабиёт ва фолклор аст, ки дар нашриёти «Ношир»-и шаҳри Хуҷанд дар арафаи баргузор шудани конфронси ҷумҳуриявии илмӣ-амалӣ таҳти унвони “Профессор Воҳид Асрорӣ – адабиётшинос ва журналисти номвар” дар Донишгоҳи давлатии Хуҷанд ба номи академик Бобоҷон Ғафуров бо дастгирии ректори донишгоҳ профессор Ҷамшед Ҷӯразода бо мӯҳтавои хонданӣ ва сифати баланд ба табъ расидааст. 

Дар китобхонаи марказии Донишгоҳи давлатии Хуҷанд ба номи академик Бобоҷон Ғафуров китобҳои тозанашри устодони донишгоҳ Корманди шоистаи Тоҷикистон, профессор Усмонҷон Ғаффоров Аюбҷон Усмонов «Нобиға» ва Аюбҷон Усмонов «Тоҷикшиноси бузург» муаррифӣ гардид. Дар маҳфили муаррифӣ декани факултети таърих ва ҳуқуқ, дотсент Маҳмудова Назира, профессори кафедраи таърихи Ватани факултети таърих ва ҳуқуқ Набиев Ваҳҳоб, мудири кафедраи ҳуқуқшиносии факултети таърих ва ҳуқуқ, Иброҳимҷон Ҷабборов, дотсенти кафедраи таърихи Ватан Шарипов Шавкат ва дотсенти кафедраи адабиёти классики факултети филологияи тоҷик Нуров Нуралӣ ва дигарон ширкат варзиданд. 

Муҳтарам аъзои Маҷлиси миллӣ ва вакилони Маҷлиси намояндагон!
Ҳамватанони азиз!

Ҷумҳурии Тоҷикистон, бо вуҷуди тағйирёбии вазъи сиёсиву иқтисодӣ ва амниятии ҷаҳон, дар роҳи пешрафти бемайлони иқтисодӣ, расидан ба ҳадафҳои стратегӣ ва ба ин васила таъмин намудани зиндагии шоистаи аҳолӣ бо қадамҳои устувор пеш меравад.

Аммо вақтҳои охир дар ҷаҳон раванди бартариҷӯӣ, мусаллаҳшавии бошитоб, пайдоиши нишонаҳои марҳалаи нави “ҷанги сард” боиси нигаронӣ гардидааст.

Субҳи 22-юми декабр чун пайғоми саодат Паёми Президенти кишвар ҳамчун роҳнамо ва дурнамои пешбурди сиёсати давлатӣ, муқарраркунанда ва заминаи ояндаи дурахшони халқу миллат тавассуси симо ва садо мустақим намоиш дода шуд, ки ҷомеаи меҳнатӣ ва донишҷўёну муҳаққиқони Донишгоҳи давлатии Хуҷанд ба номи академик Бобоҷон Ғафуров дар фазои ифтихор онро дастҷамона тамошо намуданд. 

Рӯзхои  сипаришуда дар  доираи маҳфили  “Клуби дӯстии халқҳо”- дар назди шӯъбаи робитаҳои байналмилалӣ бо иштироки Консули Ҷумҳурии Қазоқистон дар  Худчанд Бекбосынов А.Б. дар толори калони Раёсати донишгоҳ озмуни Хушдилон ва ҳозирҷавобон (КВН)  баргузор гардид. Дар ин чорабинӣ 3 дастаи донишҷӯёни Қирғизистон, Қазоқистон ва Тоҷикистон иштирок намуда, намоишҳои худро пешкаши ҳозирин намуданд. Мавзӯи маҳфил бахшида ба мустаҳкам кардани алоқаи дӯстӣ байни ҷавонони кишварҳои номбурда ва инъикоси моҳияти таърихию фарҳангии ба даст овардани истиқлолияти миллӣ аз ҷониби ин кишварҳо мебошад.

Дар толори  калони  раёсат намояндагони  Сафоратхонаи Ҷумҳурии Ҳиндустон (Шӯрои Ҳиндустон  оид ба пешбурди муносибатҳои фарҳангӣ) ташриф оварда, тибки  озмун якчанд ҷойҳоро барои донишҷӯёни Тоҷикистон барои таҳсили базавӣ (3 сол), таҳсил пас аз хатми донишгоҳ (2/3 сол) ва таҳсили докторӣ (5сол)  дар донишгоҳҳои олии Ҳиндустон ва муассисаҳои таълимӣ барои соли академикии 2018 – 2019 пешниҳод намуданд.

Мо, ҷавонони Донишгоҳи давлатии Хуҷанд ба номи академик Бобоҷон Ғафуров фаъолияти ҳамагуна пасипардагии Ҳизби гайриқонунию экстремистиву террористии Наҳзати исломии Тоҷикистонро маҳкум намуда, ба тамоми ҷавонони Ҷумҳурии Тоҷикистон, ки дар дохил ва хоричи кишвар зиндагй ва кору фаъолият менамоянд, муроҷиат менамоем: