Дирӯз дар якҷоягӣ бо Шӯрои собиқадорон,  шӯрои занону духтарон созмони  ҷавонон дар факултети забонҳои хориҷӣ маҳфили “Чароғи Ҳидоят” бахшида ба 85–солагии донишгоҳ ва 25-умин солгарди Иҷлосияи тақдирсози 16–уми Шӯрои Олии Ҷумҳурии Тоҷикистон баргузор гардид. Дар чорабинии мазкур омӯзгорону донишҷӯёни факултет иштирок карданд.

Садорати факултети забонҳои хориҷӣ баҳри ҷалб намудани донишҷўён ба тарбияи эстетикию чисмонӣ мунтзам чораҳои зарурӣ меандешад. Дар нимаи аввали моҳи октябр дар факултети мазкур байни донишҷуписарон мусобикаҳои варзишӣ дар варзишгоҳи навтаъсис баҳри солими ва ҷалби ҷавонон ба варзиш ташкил ва гузаронида шуд. Дар ниҳояти  бозии финалӣ донишҷӯёни курси 2-юм ғолиб омада аз тарафи садорати факултет қадршиносӣ карда шуданд. 

Бо ташаббуси кафедраи журналистика ва назарияи тарҷумаи донишгоҳ дируз дар толори факултети филологияи тоҷик вохўрии рўзномнигори варзида Бобоҷон Икромов бо аҳли устодон  ва донишҷўёни риштаи рўзномнигорӣ  баргузор гардид. Бояд таъкид намуд, ки чорабинии мазкур дар бораи  60-солагии зодрўзи мавсуф ва 40-солагии фаъолияти эҷодии ин публитсисти пуркор бахшида шуд.

Бо ташаббуси кафедраи психологияи иҷтимоӣ ва касбӣ чорабинии таълимию тарбиявӣ ва фарҳангию фароғатии донишгоҳӣ бахшида ба “Рӯзи байналмиллалии равоншиносон” ташкил ва баргузор гардид.  Чорабинӣ бо иштироки 117 нафар донишҷӯён ва 22 нафар омӯзгорон ташкил ва гузаронида шуд. Мақсад аз баргузории чорабинии мазкур зарурати омӯзиш ва дар амал татбиқ намудани вазифаи илми психология дар ҷомеаи имрӯза, омӯзиши нозукиҳои илми психология, роҳҳои расонидани ёрии психологӣ бо нафароне, ки ниёз доранд, бароҳмонии машварати психологӣ дар муассисаҳои таҳсилоти миёнаи умумӣ, роҳҳои бартараф намудани муноқишаҳои оилаи ҷавони имрӯза, ташкили муносибати солими психологӣ, пешгирии психологии ҷавонон аз ҳар гуна ҳодисаҳои номатлуб,  даъват ба ҳимояти ватан, ватандорӣ ва худшиносии миллӣ маҳсуб меёбад. Дар фарҷоми чорабинӣ аз тарафи устодону донишҷӯён саволу ҷавобҳо ва баҳсу мунозираҳои илмӣ ташкил гашта, ҳар як иштирокчии маҳфил аз он баҳраманд гашт. 

10-уми сентябри соли равон бо ташаббуси иҷроияи ибтидоии ҲХДТ дар назди ДДХ ба номи академик Бобоҷон Ғафуров намоиши филми ҳуҷатии “Меъмори Сулҳу Ваҳдат” ба устодону донишҷӯёни факултетҳои молия ва иқтисоди бозор ва факултети педагогӣ гузошта шуд. Намоиши мазкурро муовини кумитаи ибтидоии ҲХДТ дар назди донишгоҳ дотсент Ӯғулой Умаралиева ҳусни ифтитоҳ бахшида, аз комёбиву пешравиҳои кишвар ва саҳми Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар ин ҷода ҳарф зад.

Дӯстони азиз! Маҳфили илмиву адабии "Ганҷи сухан" тасмим гирифтааст, ки бахшида 25-солагии Иҷлосияи 16-уми Шӯрои Олии Ҷумҳурии Тоҷикистон як китоб бахшида ба осори илмиву адабии Пешвои миллат, интишор намояд. Ҳадафи таҳияи ин китоб ошноии бештари хонандагон бо асарҳои Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон мебошад. Бинобар ин аз Шумо мақолаҳоеро мепурсем, ки он бахшида ба ин ё он китоби илмӣ, таърихӣ ва адабии Пешвои миллат бахшида шуда бошад. Мӯҳлати қабул то 15 октябри соли ҷорӣ. Бовар дорем мақолаҳои худро ба мо ирсол менамоед. Бо эҳтиром Саидумрон Саидов, масъули маҳфили "Ганҷи сухан".

“Биёед китоб мехонем” бо чунин унвон дар боғи фархангии Камоли Хуҷанди ярмаркаи вилоятии намоиш ва фурӯши  баргузор гардид. Дар ин чорабини донишчуён омӯзгорон ва хонандагони муассисаҳои таълими иштирок карданд. Бино ба гуфтаи масъулин аксарияти дустдорони китоб аз нашр шудани китобҳои хуби муосир бехабаранд ва ин аксия онҳоро огоҳ месозад. Хонандагон китобҳои ба худ заруриро аз ин аксия пайдо намуда харидори намуданд.