Иқдоми табиатдўстонаи ректори донишгоҳ, профессор Ҷўразода Ҷамшед Ҳабибулло ҷиҳати барқарор намудани фаъолияти пурраи минтақаи таҷрибавӣ-таълимии «Палос» аз ҷониби донишҷўёни ихтисосҳои «экология» ва «агроэкология»-и факултети геоэкология хеле хуш пазируфта шуд. Гузаронидани таҷрибаомўзиҳои таълимӣ, машғулиятҳои амалӣ ва дигар намудҳои раванди таълим бевосита дар шароити  саҳроӣ боис мегардад, ки донишҷўён таълимоти назариявии худро дар амал санҷанд. Барои дастгирии иқдоми сарвари донишгоҳ санаҳои 30.09.2017 ва 14.10.2017 донишҷўёни курсҳои якум ва дуюми  ихтисосҳои «экология» ва «агроэкология» дар минтақаи таҷрибавӣ-таълимии «Палос» машғулиятҳои амалии худро аз фанҳои «Экологияи хок бо асосҳои кишоварзӣ» ва «Растанипарварӣ бо асосҳои экология» гузарониданд. Дар натиҷа донишҷўён бо намудҳои гуногуни зироатҳои кишоварзӣ, дарахтони мевадиҳанда, алафҳои бегона, таркиби ғизоии пўшиши хокӣ, қабати ҳосилхезии хок ва ғайра шинос шуданд. Дар фосилаи баъд аз машғулиятҳо зиёда аз 30–нафар донишҷўён дар ҳудуди даромадгоҳи минтақа шанбегӣ доир намуда зиёда аз 1000 метри мураббаъ масоҳатро аз хору буттаҳои бегона тоза намуданд. Инчунин, дар ҳудуди минтақа, ки нуқтаи обуҳавосанҷӣ мавҷуд аст, партовҳои сохтмонӣ ва маводҳои сохтмониро дар ҷойи махсус ҷойгир намуда ин мавзеъро ба макони ботартиб табдил доданд. 

Маҳфили илмии профессор Матлубаи Мирзоюнус  таҳти унвони «Фурӯғ» таи чанд сол аст, ки моҳе ду маротиба баргузор мегардад. Ин навбат бо иштироки намояндагони илму адаб,  устодон , аспирантону унвонҷӯён, донишҷӯён ва магистрантон дар сатҳи баланди илмӣ доир гардид. Сараввал мудири кафедраи адабиёти классикии тоҷик, дотсент Субҳони Аъзамзод доир ба навгониҳои илмиву фарҳангӣ гузориш намуда, мӯҳтавои чопи ҷадиди маҷаллаҳои «Номаи донишгоҳ», «Садои шарқ», «Паёми Суғд» ва нашри китобҳои «Девон» ва «Ашъори мунтахаб»-и Сайфи Исфарангӣ (дар таҳияи Аъзамов С.), «Нақди адабӣ»-и А.Зарринкӯб (дар таҳияи К. Шукруллоҳӣ), «Муқаддимаи адабиётшиносӣ»-и Б. Мирсаидов, «Избранные стихотворения»-и Лоиқ (дар таҳияи Б. Алавӣ), «Оташ дар хонаи қадим»-и Муллонасриддин, «Армони модар»-и Б. Икромов, «Фарзандони замон»-и Л. Саид, «Зиндагиномаи Бедил»-и Б. Раҳимӣ, «Ҳақиқатро бараҳна бояд дид»-и М.Зайниддинов, «Адиби андешапарвар»-и  Г. Шарифова, «Хусусиятҳои жанрию услубии ҳикоя ва повестҳои Сорбон»и Д. Қаюмова, «Гули рӯи хорсанг»-и М. Пӯлодзода, «Теҳроне, ким ан шинохтам….»-и Амирҳамзаи Ҳоҷӣ Сайидолимро муаррифӣ намуд.

Тибқи нақшаи чорабиниҳои якҷоя ва ҷадвали  вохӯриҳо аз 3-уми октябри соли 2017 кормандони дастгоҳи Прокуратураи вилояти Суғд З. Қаюмзода, Д. Ҷӯраева ва Х. Худоёрзода бо устодону донишҷўёни донишгоҳ аз санаи 5.10.2017 то санаи 7.11.2017 вобаста ба фаҳмонидани моҳияти Қонунҳои Ҷумҳурии Тоҷикистон “Дар бораи танзими анъана ва ҷашну маросимҳо”, “Дар бораи таҳсилоти олии касбӣ ва таҳсилоти касбии баъд аз муассисаҳои олии таълимӣ”, тағйиру иловаҳои ба қонунҳои мазкур аз 28.08.2017 воридкардашуда ва дастуру супоришҳои Асосгузори сулҳу ваҳдати миллӣ¬–Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон, ки санаи 30 августи соли 2017 зимни ифтитоҳи бинои нави Академияи ВКД ҶТ баён гардидаанд, силсила вохӯриҳоро баргузор менамоянд.

Бо ташаббуси кафедраи психологияи иҷтимоӣ ва касбӣ мизи мудаввар дар мавзӯи “Дӯстии байни ҷавонони Тоҷикистон ва Казоқистон” ташкил ва баргузор гардид.

Олим шахсест, ки қалби рӯшани бомаърифати худро дар роҳи фардои насли ҷавони миллат барафрӯхта медорад ва бо шамси хирад ҳамеша дар сарнавишти халқ  нурафшон аст. Омўзгори барнодил, олимаи зебо, хушсухану ширингуфтор, донишманди соҳибмактаб, доктори илмҳои филологӣ, профессори Донишгоҳи давлатии Хуҷанд ба номи академик Бобоҷон Ғафуров Замира Fаффорова аз зумраи он донишмандонест, ки тўли солиёни зиёд дар ҷодаи илм қадамҳои устувор мегузорад ва пайваста дар роҳи илм ба дастоварду комёбиҳои шоиставу арзанда ноил гардидааст. 

Нишасти 155-умини маҳфили илмиву адабии “Ганҷи сухан”, дирӯз бо иштироки адибону олимони номвар дар ҳузури сарбозони Ватан, хизматчиёни қисми ҳарбии 051056 Гвардияи миллии Ҷумҳурии Тоҷикистон мавҷуд дар ноҳияи Бобоҷон Ғафуров, баргузор гардид. Маҳфилро роҳбари он адабиётшинос Саидумрон Саидов ифтитоҳ бахшида зикр кард, ки бахшида ба 25-умин солгарди Иҷлосияи 16-уми Шӯрои Олии Ҷумҳурии Тоҷикистон  дар ҳузури сарбозон баргузор шудани маҳфил маънии онро дорад, ки мутобиқи дастури Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон мӯҳтарам Эмомалӣ Раҳмон ҳомиёни имрӯзаи Ватан дар баробари ҷасуру далер, ватандӯсту содиқи халқи хеш будан  дар донистани таърихи кишвар, забон ва  адабиёти миллӣ бояд муваффақ бошанд. Зеро донистани таърих ва адабиёти беш аз ҳазорсолаи тоҷик  дар ниҳоди ҷавонон баробари муҳаббат ба Ватан беҳтарини сифатҳои инсонӣ аз қабили вафодорӣ, ҷавонмардӣ, эҳтиром ба арзишҳои миллӣ ва дастовардҳои ҳукумату давлатро ба вуҷуд меорад. Намояндаи Мақомоти иҷроияи ҳокимияти давлатии ноҳияи Бобоҷон Ғафуров Парвиз Халифаев дар мавзӯи “Хидмати Ватан шараф аст”суханронӣ карда, ҳозиринро бо Соли Ҷавонон ва 25-умин солгарди Иҷлосияи 16-уми Шӯрои Олии Ҷумҳурии Тоҷикистон муборакбод намуда,   маҳфилро ҳамчун падидаи нодири адабӣ ва фарҳангӣ  арзёбӣ намуд.