Бахшида ба рӯзи забони давлатӣ дар толори раёсати донишоҳи давлатии Хуҷанд ба номи академик Бобоҷон Ғафуров бо иштироки як қатор устодону донишҷӯёни донишгоҳ ва намояндаи МИҲД–и  вилоят ва шаҳри Хуҷанд конфронси илмӣ таҳти унвонӣ ”Сарчашмаи ифтихори миллат”баргузор карда шуд. Дар конфронс нахуст ректори донишгоҳ профессор Ҷамшед Ҷӯразода суханронӣ намуда таъкид кард, ки забони миллии мо дар партави сиёсати пешвои миллат пас аз ҳазорсол  аз нав эҳё гашта ҳамчун рамзи ҳастии миллату давлат дар арсаи байналмилалӣ шинохта шуд. 

Мувофиқи эҳтиёҷоти кадрии шаҳру навоҳии вилоят ва ҷумҳурӣ ДДХ ба номи академик Бобоҷон Ғафуров ҳамасола теъдоди зиёди кадрҳои омўзгориро омода намуда, бо ҷойи кор онҳоро таъмин менамояд. Донишҷўёне, ки донишгоҳро тариқи буҷавӣ  хатм  мекунанд, барои бо ҷои кор таъмин шуданашон донишгоҳ дар ҳамкорӣ бо шуъбаҳои маорифи шаҳру навоҳӣ  ҳамасола шароит мусоидат менамояд. Бо мақсади таъмин намудани муассисаҳои таълимӣ ва дигар ташкилоту  идораҳои эҳтиёxманд бо мутахассисони дахлдор, ҳамасола дар асоси фармоиши Вазири маориф ва илми Ҷумҳурии Тоҷикистон «Дар бораи тақсимоти мутахассисони ҷавон», дар асоси «Низомномаи тақсимот ва ба ҷойи кор таъмин намудани мутахассисони ҷавон» ва моддаи 24 Қонуни Ҷумҳурии Тоҷикистон «Дар бораи маориф» ихтисосҳои омўзгорӣ ва ғайриомўзгории шакли таҳсили буҷавӣ дар донишгоҳ комиссияи тақсимоти фардии хатмкунандагони зинаи «бакалавр» ва «мутахассис» роҳандозӣ шуда, фармоиши ректори ДДХ ба номи академик Бобоҷон Ғафуров ба тавсиб расида, тақсимоти пешакӣ ва ниҳоӣ дар ҳузури намояндагони ВМ ва ИҶТ, Раёсати маорифи вилоят ва шаҳру навоҳӣ гузаронида мешавад. Соли  таҳсили  2012-2013  572 нафар,  с/т 2013-2014 527 нафар, с/т 2014-2015 486  нафар, с/т 2015-2016 601 нафар ва с/т 2016-2017 684 нафар ихтисосҳои омўзгории донишгоҳро тариқи буҷавӣ хатм намуда, дар муассисаҳои таҳсилоти миёнаи умумии шаҳру навоҳии вилоят ва ҷумҳурӣ фаъолият бурда истодаанд.

Тибқи нақшачорабиниҳои Донишгоҳи давлатии Хуҷанд ба номи академик Бобоҷон Ғафуров бахшида ба Рӯзи забони тоҷикӣ дар факултетҳои донишгоҳ маҳфилу чорабиниҳо ва конфронси илмӣ-амалӣ гузаронида шудаистодааст, ки дар он устодону донишҷӯён фаъолона  иштирок менамоянд. 

Дар факултети  педагогӣ  бахшида ба Рўзи  забон  маҳфили илмӣ  - адабӣ  таҳти унвони  «Сарҳади  тоҷик  забони тоҷик аст»  баргузор гардид.  

Дар хобгоҳи №2-и  ДДХ ба номи академик Бобоҷон Ғафуров чорабинӣ таҳти унвони  “Муаллим мащзани фазлу зиё” баргузор гардид. Дар ин чорабинӣ сармутхассиси шӯъбаи тарбия М.Ӯлмасов, раиси занони    умумидонишгоҳӣ З.Раҷабова, чонишини декани факултети математика  А. Миршоев,  декани факултети математика Қ. Бобохонов ва раиси занон ва духтарони факултети филологияи тоҷик У. Абдурашидова ширкат варзиданд. 

Мавриди зикр аст, ки ҳар сол санаи  21–уми сентябрро дар саросари Ҷумҳурии Тоҷикистон хамчун рўзи бузургдошти поягузори адабиёти классикии тоҷику форс  маликушшуаро Абӯабдуллоҳ Рӯдакӣ ҷашн гирифта мешавад. Ин санаи хотирмон дар тамоми донишгоҳу донишкадаҳо ва мадориси миёна ба хотири тарғибу ташвиқ ва эҳёи илмомўзиву донишазхудкунӣ дар зеҳн ва замири ҳар як нафари донишандўзу доништалаб ба роҳ монда шудааст.  

Имрӯзҳо бо дастгириву ғамхориҳои  Пешвои миллат, Асосгузори сулҳу ваҳдати миллӣ, муҳтарам Э. Раҳмон ба пешрафти илму маориф такони ҷиддӣ дода шуда, шароити таҳсил дар муассисаҳои таълимии миёнаву олӣ  беҳтар карда шуда, бо технологияи муосир таъмин гардонида шуданд. Ҷавобан ба ин ғамхориҳо  устодону омӯзгорони муассисаҳои таълимӣ  вазифаи муқаддаси хешро  шарафмандона ба иҷро расонида, дар амалӣ гардонидани барномаҳои давлатӣ, нақшаю барномаҳои таълимӣ  ва куллан беҳтар намудани сатҳ ва сифати дониши донишҷӯён  саҳми худро гузошта истодаанд.