Бахшида ба 85-солагии Донишгоҳи давлатии Хуҷанд ба номи академик Бобоҷон Ғафуров дар бинои таълимии №3 бо ташаббуси кафедраи умумидонишгоҳии забони тоҷикӣ маҳфили илмӣ - адабӣ таҳти унвони “Ҳусни баён”  баргузор гардид. Дар маҳфил профессори кафедраи методикаи таълими математика, аълочии маорифи Ҷумҳурии Тоҷикистон, дорандаи ордени меҳнат Самадов Каюм Самадович иштирок намуда, доир ба фаъолияти кории худ ва донишгоҳ ҳарф зад.

Бо мақсади дар амал татбиқи сиёсати дурандешона ва фарҳангдӯстонаи Асосгузори сулҳу ваҳдати миллӣ, Пешвои миллат муҳтарам Эмомалӣ Раҳмон ва  Раёсати Донишгоҳи Давлатии Хуҷанд ба номи академик Бобоҷон Ғафуров дар факултети забонҳои шарқ  бо ибтикори забоншиноси варзида дотсент Ғиёсов Н.И  мизи мудаввар   таҳти унвони  «Роҳ ва усулҳои ҷой додани корҳои илмӣ – тадқиқотӣ дар Индекси иқтибоси илмии Россия (РИНЦ - Российский индекс научного цитирования) баргузор гардид. 

Бо мақсади шарҳу тавзеҳи самтҳои ҳаётан муҳими Паёми Президенти кишвар ба Маҷлиси Олии Ҷумҳурии Тоҷикистон, ки дар таърихи 22-уми декабри соли 2017  ироа гардидааст,  дар толори калони раёсати ДДХ ба номи академик Бобоҷон Ғафуров Конфронси илмӣ-амалӣ таҳти унвони “Паём ва рисолати созандаи он” баргузор гардид. 

Бо мақсади тақвият бахшидани малакаи касбии кадрҳои соҳаи маориф, боло бурдани донишҳои амалии кормандони соҳа ва бо назардошти талаботҳои замони муосир омода намудани кадрҳои баландихтисоси ҷавобгӯ ба стандартҳои ҷаҳони муосир дар толори хурди раёсати донишгоҳ бо иштироки намояндаи шӯъбаи маорифи шаҳри Хуҷанд, устодон ва  донишҷӯёни донишгоҳ Конфронси илмӣ-амалӣ таҳти унвони “Саҳми донишгоҳ дар тайёр намудани мутахассисони соҳибунвон”  баргузор гардид. 

Имрӯз дар раёсати Донишгоҳи давлатии Хуҷанд ба номи академик Бобоҷон Ғафуров бо мақсади гиромидошти ҷашнҳои миллӣ чорабинӣ бахшида ба Иди Сада таҳти унвони “Пайки баҳору муждаи гармо” баргузор шуд. Дар долон ва толори хурди раёсати донишгоҳ намоишгоҳи ҳунарҳои  миллӣ, аз ҷумлаи сӯзанидӯзӣ, нақшакашӣ,  кандакорӣ, кулолгарӣ, сабадбофӣ, либосҳои миллӣ ва меваҷоту таомҳои миллӣ, нонҳои тоҷикона  ба маърази тамошо гузошта шуд. 

Дирӯз дар назди театри Камоли Хуҷандӣ бахшида ба Иди Сада барномаи фарҳангӣ баргузор карда шуд, ки дар он Раиси вилояти Суғд муҳтарам Раҷаббой Аҳмадзода  иштирок намуда, кулли мардуми вилоятро бо ин Иди Сада табрик намуд. Зимни суханронӣ қайд карда шуд, ки Ҷашни Сада чун идҳои Наврўзу Меҳргон яке аз ҷашнҳои басо қадимаи форсзабон буда, дар аҳди қадим хеле мутантану пуршукӯҳ, бо шодию сурур, оташафрӯзию гулханфурӯзиҳо, рақсу таронаҳо, оростани хони пӯрнозу неъмат ҷашн гирифта мешудааст. 

Дар толори  калони Раёсат маҷлиси ҳисоботии собиқадорони ҷангу меҳнати ДДХ ба номи академик Б. Ғафуров баргузор гардид.  Дар кори маҷлис ректори донишгоҳ, профессор Ҷамшед Ҷӯразода, ноибректори таълим Абдуфаттоҳ Раҳимов, ноибректори тарбия Мӯмин Шамсиддинов, раиси КМИК Аюб Усмонов иштирок ва суханронӣ намуданд.  

Дар  бинои Taj Citi    машварат бо ҳамкории кафедраи  психологияи иҷтимоӣ ва касбии факултети  педагогии ДДХ  ба номи  академик Бобоҷон Ғафуров  ва маркази машварати  психологӣ ва рушди  қобилиятҳои  маърифатии «Заковат»  баргузор гардид.  Мақсади   гузаронидани  ин чорабинӣ  пешниҳод намудани    инкишоф  додани  хотир, тафаккур ва суръати хониш роҳу  усулҳои  наву   муосирро  барои  кўдакону  бузургсолон  буд. Дар  рафти  барнома  мутахассисони марказ    омўхтани усулҳои  нави  бахотиргирӣ ва  дар муддати  кўтоҳ  аз худ  намудани  мазмуни  китобҳои  бадеӣ ва матнҳои  махсусро ба иштирокдорон пешниҳод намуданд.